Қауіпсіздік ережелер
ЖОЛДА ЖҮРУ ЕРЕЖЕСІ
Бағдаршамның қызыл түсі жанғанда тоқта!
Бағдаршамның сары түсі жанғанда дайындал!
Бағдаршамның жасыл түсі жанғанда
жүруге рұқсат.
-Жолда ойнауға болмайды.
-Көліктің арт жағын айналып өту керек.
-Ешқашан көліктің алдынан жүгіріп өтпе.
«Қауіпсіз жаз»
Демалып жүрген кезде қауіпсіздік, сақтық шараларын сақтауды естен шығармауларыңыз қажет. Ол төмендегідей ережелер:
- Жолда жүру ережесіне бағыну және сақтай білу;
- Жолдан өтерде бағдаршамға қарап, абай болу;
- Бос қалған, бұзылған ғимараттарға баруға, жақындауға болмайды;
- Ойын алаңында, үйде, қоғамдық жерлерде тәртіп бұзбай, өзіңді дұрыс ұстай білу;
- Таныс емес, бөтен адаммен сөйлеспе;
- Мас және қауіпті адамнан алыс жүр;
- Бөтен адаммен подъезге, подвалға, лифтіге кірме;
- Танымайтын адаммен еріп кетуге немесе көлікке отырушы болмаңыз;
- Сізді егер бөгде адам артыңыздан қуса, көп адамдар арасына жүгір;
- Жағажайға, орманға жалғыз баруға болмайды;
- Лагерьде демалыс барысында да сақтық шараларын сақтау қажет;
- Құқыбұзушылыққа бармау /біреуге жаман сөздер айту, балағаттау, ұру, қол көтеру, тебу сияқты / іс-әрекеттерден аулақ болу;
- Ата-ананың рұқсатынсыз көшеде жүруге, достармен қыдыруға қатаң тыйым салынады;
- Қауіпті заттармен ойнауға болмайды.
- Басқа біреу ұсынған затты алуға, қолдануға, дәмін татып көруге қатаң тыйым салынады;
- Кешкі сағат 22.00-ден кейін көшеде жүруге тыйым салынады;
Қатаң тыйым салынады:
- Табиғат аясына серуенге үлкен адамдарсыз жалғыз баруға болмайды;
- Серуен барысында табиғатты ластауға болмайды;
- Үлкендердің бақылауынсыз бассейнде, көлде , өзенде, теңізде суға шомылуға, жүзуге болмайды;
- Қайықпен жүруге, көпірден өтуге, қайықтан, биік жардан суға сүңгуге болмайды;
- Кешке қарай және түнде суға түсуөте қауіпті;
- Көл, өзен, теңіз жағалауынан алыс кетуге, шомылуға рұқсат етілген белгілерден шығуға болмайды;
- Жүзіп жүрген кемелерге, катерлерге, гидроцикл, ескекті қайықтарға жақын баруға болмайды;
- Қайықтан, катерден, желкенді қайықтан және басқа да жүзу құралдарынан және өзіңізге таныс емес жерлерде суға секіруге болмайды;
- Айлақтардың, көпірлердің, т.б. жанында шомылуға болмайды;
- Суда бір-бірін қуып, суға батырып ойнайтын ойындарға қатаң тыйым салынады. Судың астында біреуді аяғынан ұстауға болмайды.
Үйде қауіпсіздікті сақтау тәртібі
Егер Сіз үйде жалғыз қалсаңыз, қауіпсіздік ережелерін сақтауды ұмытпаңыз:
- Балкон мен терезеге жақындауға, терезеден басыңды сыртқа шығаруға немесе терезе алдына шығып отыруға болмайды;
- Баспалдақ /сатыдан/ жүгіріп түсуге, мінуге қатаң тыйым салынады;
- Су қолмен электр құралдарына, розеткаға, тоқ қосқышқа жақындау өте қауіпті, тоқ соғуы мүмкін;
- Электр құрылғылары: үтік, плита, кір жуғыш машина т.б. үлкендердің рұқсатынсыз пайдалануға, қосуға тыйым салынады.
- Үй жағдайында, далада сіріңкені қолдануға болмайды;
- Дәрі-дәрмек қобдишасынан да ата-ананың рұқсатынсыз дәрі алып ішуге болмайды;
- Телефон және компьютерде ұзақ отыруға болмайды;
- Әлеуметтік желілерді де дұрыс қолдана білу керек;
- Әлеуметтік желі арқылы біреуге жаман, былапыт сөздер жазуға қатаң тыйым салынады;
- Әлеуметтік желіден балалар жасына сәйкес ғана ақпараттар мен бейнежазбалар, мультфильмдерді қарау қажет;
- Өрт жағдайы да өте қауіпті екенін естен шығармаңыз;
- Егер өрт болып жатырғанын көрсеңіз 101-ге хабарласып өрт сөндірушілерді шақыру қажет;
- Мүмкіндік болса түтінге уланып қалмай тұрып, бірден тез арада далаға шығып кетуге тырысыңыз.
Денсаулығының сақталуы, жол қозғалысы және көшеде жүру бойынша қауіпсіздік ережелері:
- Мектепке келу және үйлеріне қайту жолында жол қозғалысы ережесін сақтау және заңдылыққа бағыну;
- Жол белгілерін дұрыс пайдалану, бағдаршам көздеріне мұқият қарау, жол жиегімен жүру, жаяу жүргінші жолдарын пайдалану, көшенің арғы бетіне өту кезінде көліктердің бағытын анықтап қарау;
- Көшеде жаяу жүру кезеңінде ұялы телефонды қолданбау, құлаққап кимеу, беті ашық қалған құдықтардан сақтану, айналып өту;
- Оқушының мектепте өзін-өзі мәдениетті ұстауы және сақтық ережесін қатаң сақтауы қажет;
- Үзіліс кезінде оқушыларға бірін-бірі итеруге, күш қолдануға болмайды, мектеп ауласынан мұғалім рұқсатынсыз сыртқы территорияға шықпау, мектеп жанындағы дүкендерге, сауда орындарына бармау;
- Биікке шықпау, терезе жақтауында отырмау, өз бетімен терезені ашуға қатаң тыйым салынады, қабырғаға таяу орналасқан мүліктерге жақындамау, орнынан қозғамау;
- Дәлізде жүгірмеу, қабырғаларды аяқпен теппеу, сатыдан дұрыс түсу;
- аяқпен еденде сырғанамау, мектеп әжетханасын дұрыс пайдалану;
- қорғаныс құралы газ түріндегі балон т.б. заттарды әкелуге болмайды.
- Жаңа жыл мерекесін атап өту барысында от шашатын ойыншықтар, тез жанғыш құралдарды қолданудың қауіптілігін ескеру, абай болу;
- Қыс мезгіліндегі ауа-райының күрт өзгеруіне байланысты күнделікті жылы киініп жүру / міндетті түрде бас киім, қолғап, мойынтақ/ және ауа райының төмендеуіне байланысты сабақ тоқтатылуы жөніндегі арнайы ақпаратты назарда ұстау;
- Демалыс уақытында қала ішінде және қала сыртында мектептен тыс заңсыз ұйымдастырылған іс-шараларға қатыспау;
- Денсаулығы болмаған жағдайда сынып жетекші мен мектеп әкімшілігін хабардар ету, мектептен үйге ескертусіз, сұранбай кетпеу.